“Tesla” və “SpaceX”in baş direktoru İlon Mask bu yaxınlarda sosial media şirkəti tviteri təxminən 44 milyard dollara almaq üçün bağladığı müqaviləni ləğv edib. İlon Maskın bu hərəkətinə görə, tviter milyarderi məhkəməyə verməyə hazırlaşdığını açıqlayıb. Bu prosesdə tviter öz işçilərinə Mask haqqında sosial mediada paylaşım etməməyi tapşırıb.

Tviterin baş məsləhətçisi Şon Edget əməkdaşlarına müvafiq mesaj göndərib:

“Nəzərə almaq lazımdır ki, bu, davam edən hüquqi məsələdir və birləşmə və ya ayrılma ilə bağlı hər hansı şərh verməkdən çəkinməlisiniz. Mümkün olduqda sizinlə məlumat paylaşmağa davam edəcəyik, lakin unutmayın ki, bu vaxt paylaşa biləcəyimiz şeylər çox məhdud olacaq. Bilirəm ki, bu qeyri-müəyyən bir prosesdir və biz sizin səbriniz və davamlı öhdəliyiniz üçün təşəkkür edirik”.