"Moldova Rusiyanın silahlı təcavüzü halında NATO-nun fəal üzvü olan Rumıniyadan kömək istəyəcək".

“Report” UNIAN-a istinadən xəbər verir ki, bunu Moldova Prezidenti Maya Sandu Rumıniya lideri Klaus İohannislə görüşü zamanı deyib.

O bildirib ki, Ukraynadakı müharibə Moldovaya sıçrayarsa, Kişinyeu kömək üçün Buxarestə müraciət edəcək: “Biz narahatıq. Ən bədbin ssenariləri qəbul edirik. Buna uyğun olaraq, biz bütün ssenarilərə hazırlaşırıq. Rusiyanın Moldova Respublikasına hücum etməyə çalışdığı bir vəziyyətdə, təbii ki, biz kömək istəyəcəyik”.

İohannis isə öz növbəsində Moldovaya kömək etməyə hazır olduqlarını söyləyib.