Qazaxıstanda Gənclər Evinin 16 yaşlı şagirdi zorlandıqdan sonra onuncu mərtəbənin pəncərəsindən özünü atıb.

RegionXəbərləricom.az oxu.az-a istinadən xəbər verir ki, lakin yeniyetmə sağ qalıb. Zərərçəkən hazırda xəstəxanadadır.

Qızın yetim olduğu, 2009-cu ildən müxtəlif uşaq evlərində və sığınacaqlarda yaşadığı bildirilib.

Yeniyetməni bacısının sinif yoldaşı aldadaraq öz evinə aparıb və dostları ilə birlikdə zorlayıb.

Hazırda yeniyetmə reanimasiyadadır. Onun onurğası sınıb və daxili orqanları zədələnib. Qız dörd əməliyyat keçirib. Onu daha bir neçə əməliyyatın gözlədiyi qeyd olunub.

Hadisəni şərh edən Pavlodar vilayəti Polis İdarəsinin mətbuat xidməti bildirib ki, zorlamada şübhəli bilinən şəxslər artıq saxlanılıb, iş idarə rəhbərliyinin xüsusi nəzarətindədir. Zorlama faktı üzrə ibtidai araşdırmalar aparılır, bir sıra zəruri ekspertizalar təyin edilib.