Kollektiv Təhlükəsizlik Müqaviləsi Təşkilatının üzvü və ya üzvü olan Qazaxıstan, Özbəkistan və Qırğızıstan (Özbəkistan 2012-ci ilə qədər) Rusiya Federasiyasında qismən səfərbərlik elan edildikdən sonra öz vətəndaşlarına Ukraynada döyüşməyi qadağan edib.

Bu barədə “Anadolu” agentliyi məlumat yayıb.

Qeyd olunub ki, bu ölkələr öz vətəndaşları üçün Ukraynaya qarşı müharibədə iştiraka görə cinayət məsuliyyəti nəzərdə tutur - 5 ildən 10 ilədək həbs. Bildirilib ki, əmlakın müsadirəsi də mümkündür.

Xatırladaq ki, ötən gün – 21 sentyabrda Vladimir Putin Rusiyada qismən səfərbərlik elan edib.

Putinin qismən səfərbərlik elan etdiyi çıxışından sonra ruslar kütləvi şəkildə aviabilet almağa və ölkəni tərk etməyə başlayıblar. Həmçinin müxtəlif şəhərlərdə səfərbərliyə qarşı aksiyalar təşkil olunub.