Ucar rayonunda  27 Sentyabr - Anım Günü ilə bağlı tədbir keçirilib.

Artıq ikinci ildir ki, respublikamızın digər bölgələrində olduğu kimi, Ucar rayonunda da 27 sentyabr tarixində rəsmi anım tədbirləri keçirilir. Ucar şəhərində yerləşən Şəhidlər Xiyabanında  27 Sentyabr - Anım Günü münasibərilə tədbir baş tutub. Tədbirdə RİH-nin başçısı Mənsur Məmmədov,  digər hərbi və dövlət qurumlarının rəhbərləri, şəhid ailələri, qazilər, rayon ictimaiyyəti nümayəndələri iştirak edib.

Tədbir başlamazdan əvvəl Dövlət Himni səslənib və bütün şəhidlərin əziz xatirəsi bir dəqiqəlik sükutla yad edilib. Tədbiri giriş sözü ilə açan icra başçısı 44 günlük Vətən müharibəsində Müzəffər Ali Baş Komandan İlham Əliyevin rəhbərlik etdiyi Azərbaycan ordusunun yazdığı şanlı Zəfər tarixindən bəhs edib. Şəhid ailələrinin və qazilərin daim dövlətin diqqət və qayğısı ilə əhatə olunduğunu vurğulayan rayon rəhbəri 27 Sentyabr - Anım Gününün təsis edilməsini ölkə başçısı tərəfindən şəhidlərin xatirəsinə sonsuz ehtiramın, eləcə də şəhid doğmalarına həssas münasibətin bariz nümunəsi olduğunu diqqətə çatdırıb. Daha sonra şəhid valideyinləri, qazilər çıxış ediblər.

Həmçinin 27 Sentyabr - Anım Günü ilə əlaqədar Şəhidlər Xiyabanında ağacəkmə aksiyası keçirilib.

RegionXəbərləricom.az