“Şirvan şəhər prokuroru mənə gülür, deyir ki, siz bilmirsiniz, polis həmişə prokurorluğun adı ilə pul alır? Bunu mənə vəkilimin yanında deyirdi”.
Bunu Şirvan Şəhər Polis Şöbəsində işgəncəyə məruz qaldığını iddia edən Rəşad Sadıqov deyib.

O bildirib ki, həyatı boyu olmadığı Şirvan şəhərində dövriyyəyə saxta pul ötürməkdə ittiham edilir.

“Mənə deyirlər ki, sənin qabağına narkotik qoyacağıq, avtomat qoyacağıq, səni içəri basacağıq. Mən evdən bayıra çıxa bilmirəm”.

R. Sadıqov polis idarəsində məruz qaldığı işgəncələrdən də danışıb:

“Məni boyunbağı ilə boğurdular, qulağımın birinin pərdəsi çırılmışdı, 7 gün reanimasiyada yatmışam”.

O bildirib ki, prokurorluqda onunla görüşüb, məsələnin araşdırılacağını bildiriblər.