Müsavat Partiyasının və Milli Şuranın üzvü Tofiq Yaqublu sərbəst buraxılıb.

Bu barədə onun qızı Nigar Həzi sosial şəbəkədə məlumat paylaşıb. 

***12:04

Daxili İşlər Nazirliyi Tofiq Yaqublunun saxlanılma səbəbini açıqlayıb.

Yeniavaz.com-un sorğusuna cavab olaraq DİN Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, razılaşdırılmayan aksiyaya çağırış etdiyinə görə Tofiq Yaqublu saxlanılıb. Hazırda müvafiq araşdırma aparılır:

"Araşdırma başa çatan kimi sərbəst buraxılacaqdır".

***11:16

Müsavat Partiyasının üzvü Tofiq Yaqublu polis əməkdaşları tərəfindən saxlanılıb.

Bu barədə onun qızı Nigar Həzi sosial şəbəkə hesabında məlumat paylaşıb.

Tofiq Yaqublunun hansı səbəbdən saxlanıldığı barədə hələ ki rəsmi məlumat verilməyib.