“Mənim səlahiyyətim olsaydı, “TikTok”u və digərlərini ləğv edərdim”.

Bu sözləri sabiq deputat Hüseynbala Mirələmov APA TV-yə müsahibəsində deyib.

“Sosial şəbəkədə oxuyursan ki, üç uşağın anası, iki uşağın anası ailəsini, uşaqlarını atıb, qoşulub kiməsə qaçıb. Bu internetin xidmətləridir. Azərbaycanıq, bizim özümüzün mentalitetimiz var. Bizim adətlərimiz, əxlaqımız var. Elə şey olar, üç uşağın anası qoşulub kiməsə getsin. Bu biabrçılıqdır”, - deyə sabiq deputat bildirib.

Onun sosial şəbəkələrin ləğv edilməsi ilə bağlı dedikləri müzakirələrə səbəb olub.