SOCAR “Azəriqaz” İstehsalat Birliyinin bölgələrdə keçirdiyi “Səyyar qəbul otağı” həftənin ilk iş günündə Hacıqabul rayonunda baş tutub.

Qurumdan verilən məlumata görə, Laləzar Əliyeva ilə Əliyar Əsgərovun müraciətlərindən aydın olub ki, adıçəkilən sakinlərin qeyd etdikləri ünvanlarda bəzən qazın təzyiqində zəiflik müşahidə olunur.

Digər iki müraciət Xanım Babayeva və Eynur Əsgərli tərəfindən ünvanlanıb ki, onlar da fərdi yaşayış evlərində sonradan ödənişli (mexaniki tipli) qaz sayğacının əvvəlcədən ödənişli (smart-kart tipli) qaz sayğacı ilə əvəzlənməsini istəyiblər.

Vətəndaşlar tərəfindən səsləndirilən digər müraciətlər də Salyan RQİİ-nin səlahiyyətli şəxsləri tərəfindən dinlənilərək qeydiyyata alınıb.