Almaniya Ukraynaya verdiyi texnikaları təmir edəcək.

Bunu Almaniyanın müdafiə naziri Kristin Lambrext bildirib.

Nazirin sözlərinə görə, texnikalara xidmət göstərmək və təmir etmək üçün Slovakiyada texniki xidmət mərkəzi yaradılıcaq:

"Biz razılığa gəldik və Kiyevə təhvil verilən bütün texnikaları döyüşdən çıxdıqdan sonra təmir etməyə başlayacağıq".

O bildirib ki, təmir işləri bir neçə həftə ərzində başlayacaq. Əsasən artilleriya qurğularına və zenit sistemlərinə diqqət yetiriləcək.

Lambrextin sözlərinə görə, Berlin Avropa İttifaqının təlim missiyası çərçivəsində gələn ilin iyun ayına qədər Almaniyada təxminən 5000 Ukrayna əsgərinə təlim keçməyi planlaşdırır.