“Bizə kim müraciət edirsə, onu başımızdan etmək üçün Dövlət Məşğulluq Agentliyinə göndəririk, Məşğulluq da özü başından edir. Çünki bilirik ki, orda yalandan hansısa qeyri-müəyyən iş təklifi edirlər və adam işlə təmin olunmur. İşsizlərin sayı artmağa başlayır”.

Bunu Milli Məclisin deputatı Fazil Mustafa deyib.

“Bu mexanizmi biz necə canlandıra bilərik? Bu o deməkdir ki, dövlət əli ilə iş yerinin açılması ideyası artıq absurddur. Özəl sektor, sahibkar bunu aça bilər. Sahibkarın önünü açmaq lazımdır ki, iş yeri açsın. Vətəndaş işsizlikdən əziyyət çəkməsin. Deyirlər adamlar işləmək istəmir. Hamı işləmək istəyir. İş yeri açsanız, yaxşı maaş versəniz, hamı gedib işləyəcək”, - deputat bildirib.