Naxçıvan MR Baş Prokurorunun müavini, Korrupsiyaya qarşı Baş İdarənin rəisi Məhərrəm Talıbovun DTX tərəfindən saxlanıldığı və dindirilmək üçün Bakıya gətirildiyi bildirilir.

Bu barədə "Gündəlik Naxçıvan" məlumat yayıb. O, bu yaxınlarda həbs olunan Naxçıvan MR maliyyə naziri Tofiq Həsənovla iş birliyində ittiham olunur. Tofiq Həsənov dövlət əmlakını külli miqdarda (144 milyon manat) məimsəməkdə təqsirləndirilir.

Qeyd edək ki, Məhərrəm Talıbov Naxçıvan Ali Məclisinin sədri Vasif Talıbovun kiçik qardaşıdır.

Bundan öncə Vasif Talıbovun oğlanları Seymur və Rzanın, qızı Baharxanımın qaçaqmalçılığa görə dindirildikləri məlumatları yayılmışdı.