Ermənistanın baş naziri Nikol Paşinyan və həyat yoldaşı Anna Akopyanın İrəvandakı kafelərin birinə gedərək orda qəhvə içmələri sosial şəbəkələrdə birmənalı qarşılanmayıb.

Yeniavaz.com “Hraparak”a istinadən bildirir ki, baş nazirin kafeyə gedərək orda sadə vətəndaşlarla birgə oturması onun rəqiblərinə mesajı kimi dəyərləndirilib.

Bildirilir ki, Paşinyan belə bir addım atmaqla heç kimdən çəkinmədiyini, sərbəst şəkildə şəhərdə gəzə biləcəyi mesajını verib.

Qeyd edək ki, Ermənistan cəmiyyətində bəzi millətçi qruplar 2020-ci ildəki 44 günlük müharibədə məğlubiyyətin əsas səbəbkarı kimi Paşinyanı görür. Ermənistanda bir-çox insan Paşinyan haqqında “vətən xaini” ifadəsini işlədir.