“Twitter”in yeni sahibi İlon Mask anti-rekord vurub. O, bir ildə 200 milyard dollar itirən ilk insan olub.

51 yaşlı Maskın sərvəti, “Tesla” səhmlərinin son həftələrdə, o cümlədən çərşənbə axşamı günü 11% ucuzlaşmasından sonra 137 milyard dollara düşüb. Onun sərvəti 4 noyabr 2021-ci ildə 340 milyard dollara çatmışdı və o, bu ay fransız milyarder Bernard Arnault tərəfindən geridə qalana qədər dünyanın ən varlı adamı idi.

Nəşr qeyd edir ki, Mask koronavirus pandemiyası dövründə müşahidə olunan aktivlərinin qiymətlərindəki sıçrayış səbəbilə belə sürətli varlanıb. 2021-ci ilin payızında onun şirkəti “Tesla” ilk dəfə olaraq 1 trilyon dollarlıq bazar dəyərini aşıb.

2022-ci ildə isə “Tesla” səhmləri ucuzlaşdı, Mask “Twitter”i almaq xərclərini ödəmək üçün çoxlu aktiv satmalı olub.

Nəşr bildirib ki, Maslın özü şirkətlə bağlı problemləri inkar edir.