Belçikanın paytaxtı Brüsseldə yüzlərlə polis maaşlarının artırılması və pensiya hüquqlarının yaxşılaşdırılması tələbi ilə nümayiş keçirib.

Belçikada həmkarlar ittifaqının çağırışı ilə təxminən 300 polis Brüsseldəki Federal Polis Baş İdarəsi qarşısında toplanaraq küçəni bağlayıb.

Aksiyaya çoxlu motosikletçi və mülki geyimli polis qatılıb.

Məhəllədə məşəl alovlandıran polis federal hökumətdən maaşların artırılmasını və pensiya şərtlərinin yaxşılaşdırılmasını tələb edib.

Qeyd edək ki, Belçikada polis tez-tez maaş və pensiya ilə bağlı etiraz aksiyaları keçirir.

Polis uzun illərdir ki, onların maaşlarının artırılmamasına, ağır vəzifə kateqoriyasından çıxarılaraq pensiya yaşının artırılmasına etiraz edir.