Kahramanmaraşda baş verən zəlzələdən 73 saat sonra biri azyaşlı olan 3 nəfərlik ailə dağıntılar altından xilas edilib.

Onikişubat səmtindəki Azərbaycan bulvarında yerləşən 7 mərtəbəli yaşayış binasının dağıntıları altından səs eşidildikdən sonra Sakarya Böyükşəhər Bələdiyyəsi və Isparta Bələdiyyəsinin xilasetmə qrupları bölgəyə göndərilib.

Xilasedicilər uzun müddətdən sonra 55 yaşlı Əli, 40 yaşlı həyat yoldaşı Zelal və 5 yaşlı qızları Mir Berzan Bağışı dağıntılar altından sağ çıxarıblar.

Yaralı ailə təcili yardımla xəstəxanaya aparılıb.

Kahramanmaraşda episentri Pazarcık və Elbistan rayonları olan və 10 vilayətdə dağıntılara səbəb olan zəlzələlərdən sonra axtarış-xilasetmə işləri davam edir.