Baxmutun uzunmüddətli müdafiəsi Ukrayna Müdafiə Qüvvələrinə əks hücuma daha yaxşı hazırlaşmaq imkanı verir.

Bunu “Defence Express”in hərbi eksperti İvan Kiriçevski bildirib.

"Ruslar Baxmutun ələ keçirilməsinə çox diqqət yetirirlər. Dünya tarixində belə bir şey sonuncu dəfə yaponlar Port Arturu tutanda olmuşdu. Sonra yaponlar çoxlu hərbçi itirdilər. İndi, 100 ildən çox müddət sonra, Ruslar yaponların taleyini təkrarlayırlar”, - o, bildirib.

Ekspert qeyd edib ki, Baxmutda Rusiya nəhəng insan resurslarını itirir: "Müdafiə qüvvələrimiz Baxmutun müdafiəsini daha bir neçə ay saxlaya bilsə, bu, rus işğalçılarını çox yoracaq. Ona görə də biz rusları Baxmut yaxınlığında nə qədər uzun müddət darmadağın etsək, apreldə əks-hücum üçün bir o qədər çox imkanlarımız olacaq".