“Facebook” yeni pullu xidmətlərini təqdim edib.

Bu barədə “Meta” şirkətinin təsisçisi və rəhbəri Mark Zükerberq məlumat verib.

O bildirib ki, yeni xidmət “Meta Verified” adlanır və bu həftədən etibarən iki ölkədə tətbiq olunacaq:

“Bu abunə xidməti sizə dövlət şəxsiyyət vəsiqəsi ilə hesabınızı təsdiqləməyə, mavi nişan əldə etməyə, siz olduğunuzu iddia edən hesablara qarşı əlavə təqliddən qorunmağa və müştəri dəstəyinə birbaşa çıxış imkanı verir. Bu yeni xüsusiyyət xidmətlərimizdə orijinallığın və təhlükəsizliyin artırılması ilə bağlıdır. “Meta Verified” internetdə ayda 11,99 dollardan (20,40 azn) və iOS-da ayda 14,99 dollardan (25,50 azn) başlayır. Bu həftə Avstraliya və Yeni Zelandiyada və tezliklə daha çox ölkədə təqdim edəcəyik”.