Bir qədər əvvəl "Namiq Bakinski"nin adamı kimi həbs edilən kriminal avtoritet Elşad Quliyevlə bağlı bəzi məqamlar üzə çıxıb.

RegionXəbərləricom.az Lent.az-a istinadən xəbər verir ki, Elşad Quliyev əslində Komçatkada yox, Novasibirsk şəhərində yaşayırmış. O, kriminal dairələrdə “molodoy” ləqəbi ilə tanınırdı. “Molodoy”un qarşısına isə qoyulmuş vəzifə İrkutsk vilayətində və Kamçatkada meyvə-tərəvəzlə məşğul olan topdan satış məntəqələrinə nəzarəti ələ keçirmək, bu ərazilərdə fəaliyyət göstərən əsasən azərbaycanlı iş adamlarından xərac toplamaq olub.

İlkin araşdırmalar zamanı məlum olub ki, Quliyev təkcə bir ay ərzində Kamçatkadan 12 milyon rubl vəsait toplaya bilib. Eyni hal İrkutskda da təkrarlanıb. Özbaşınalığın baş alıb-getdiyini görən yerli biznesmenlərin hüquq-mühafizə orqanlarına şikayətlərindən sonra polis xüsusi əməliyyat keçirərək onu saxlayır.