Yunanıstanda sərnişin qatarı ilə yük qatarı toqquşub.

Dövlət Agentliyi AMNA xəbər verir ki, hadisə Larisa şəhərinin şimalındakı Tempi bölgəsində baş verib.

Bildirilib ki, son məlumatlara görə sərnişin qatarının bəzi vaqonlarının relsdən çıxması nəticəsində 32 nəfər ölüb, 85 yaralı var.

Həyatını itirənlərin sayının artacağı istisna olunmur.

Qeyd olunub ki, Afinadan Salonikiyə gedən IC 62 nömrəli qatarda təxminən 350 sərnişin olub.

Qəza yerində axtarış-xilasetmə işləri davam edir.