Rusiyanın xarici işlər naziri Sergey Lavrovun Hindistandakı çıxışına tədbir iştirakçıları gülərək reaksiya veriblər.

Bu barədə sosial şəbəkələrdə məlumat yayılıb.

Lavrov Ukrayna müharibəsi haqqında danışarkən, "bizə qarşı başladılan bu müharibə" dedikdən sonra salondakı insanlar qəfil gülməyə başlayıb. Bunu görən Rusiya XİN başçısı çıxışını bir neçə saniyə kəsərək kütləyə baxıb. Sonra yenidən söhbətinə davam edib.

“Ukrayna xalqından istifadə edilərək bizə qarşı başladılan müharibə - hansı ki, biz onu dayandırmağa çalışırıq - Rusiyanın siyasətinə, o cümlədən bizim enerji siyasətimizə təsir etdi. Rusiyanın enerji siyasəti Hindistan və Çin kimi etibarlı tərəfdaşlara yönələcək”, - Lavrov deyib.

Həmin görüntüləri təqdim edirik: