İngiltərə Premyer Liqasında bir ilk yaşanacaq. “Çelsi” “Stamford Bridge”də ilk açıq iftar proqramına ev sahibliyi edəcək.

Bu haqda Çelsi Fondunun prezidenti Saymon Taylor açıqlama yayıb.

“Ramazan Çadırı Layihəsi ilə birlikdə açıq iftar proqramımızı elan etməkdən məmnunam və bunu edən ilk Premyer Liqa klubu olmaqdan böyük qürur duyuruq. Ramazan ayı ilə tanış olmaq və Müsəlman icmamızı tanımaq, dini dözümlülüyü təşviq etmək işimizin mühüm aspektidir. Mən sizi 26 mart, bazar günü salamlamağı səbirsizliklə gözləyirəm”, - o qeyd edib.