ABŞ Hərbi Dəniz Qüvvələri Yaxın Şərqə 154-ə qədər “Tomaqavk” qanadlı raket daşıya bilən sualtı qayıq yerləşdirib.

Bu barədə “Associated Press”in məlumatında bildirilib. ABŞ Hərbi Dəniz Qüvvələrinin Bəhreyndə yerləşən Beşinci Donanmasının sözçüsü Timoti Haukins sualtı qayığın artıq Süveyş kanalından keçdiyini deyib. Onun sözlərinə görə, sualtı qayığın yenidən yerləşdirilməsi regional təhlükəsizliyin və dəniz sabitliyinin təmin olunmasına kömək edəcək. 

Agentlik qeyd edir ki, ABŞ Hərbi Dəniz Qüvvələri komandanlığı adətən sualtı qayıqların bu cür hərəkətləri barədə açıq məlumat yaymır.