“Vagner PMC”nin təsisçisi Yevgeni Priqojin Çeçenistan rəhbəri Ramzan Kadırovun müvafiq təklifinə cavab olaraq Baxmutdakı mövqelərini mayın 10-da gecə yarısı "Axmat" xüsusi təyinatlı dəstələrinə ötürməyə hazır olduğunu təsdiqləyib.

Bu barədə o, Telqram kanalında yazıb.

“Mən artıq onun (Kadırovun) nümayəndələri ilə əlaqə saxlayıram ki, dərhal mövqelərin köçürülməsinə başlasınlar. Hesablamalarımıza görə, mayın 10-da saat 00:00-da - döyüş potensialımızın tam tükənəcəyi anda onlar bizim yerlərimizi tutacaqlar. Bizim silahdaşlarımız Baxmut qəsəbəsinə hücumu davam etdirirlər”, - deyə Priqojin bildirib.

Daha əvvəl Kadırov bildirmişdi ki, “Axmat” xüsusi təyinatlı dəstələri Baxmutda “Vaqner PMC”nin mövqelərini tutmağa hazırdır.

Priqojin bundan əvvəl demişdi ki, mayın 9-dək “Vaqner” bölmələri Baxmutdakı mövqelərdə qalacaq, daha sonra şəxsi heyəti itkilərdən xilas etmək üçün geri çəkiləcəklər.