“Mixaylo” ləqəbli Sovet İttifaqı Qəhrəmanı Mehdi Hüseynzadənin ölümü ilə bağlı yeni təfərrüatlar məlum olub.

Bu barədə Azadlıq radiosunun Azərbaycan xidmətinin yaydığı məlumatda bildirilib.

Məlumatda “Mixaylo”nun həlak olduğu Sloveniyanın Vitovlye kəndindən eksklüziv görüntülər təqdim edilib.

Reportajda Mehdi Hüseynzadə öldükdən sonra onun meyitini tapan, o zaman 4 yaşında olan Mira Xravatin də danışıb.

Yerli sakinlər güman edirlər ki, “Mixaylo” bir gün sağ qalıb, amma sonra tapança ilə özünü vurub.