Mərkəzi Bank tərəfindən mayın 16-da lisenziyası ləğv edilən “Günay Bank” ASC rəsmən müflis elan edilib.

Bu barədə Bakı Kommersiya Məhkəməsi qərar verib. 

Azərbaycan Əmanətlərin Sığortalanması Fondu bankın ləğvedicisi təyin edilib.

Qeyd edək ki, Mərkəzi Bank “Günay Bank” ASC-nin lisenziyasını bankın məcmu kapitalının müəyyən edilmiş tələbdən – 50 milyon manatdan az olduğu üçün ləğv edib.

Bankdan verilən açıqlamada isə bildirilib ki, onların öhdəlikləri yerinə yetirməkdə heç bir problemi olmayıb və səhmdarların qarşıdan gələn yığıncağında nizamnamə kapitalını artırmağa hazırlaşırmışlar.