Bakı şəhəri Yasamal rayon sakini 1966-cı il təvəllüdlü Quliyev Sübhan Ağakişi oğlu bu gün səhər Oğuz rayonundakı hoteldə ürəktutmasından vəfat edib.

RegionXəbərləricom.az “Report”a istinadən xəbər verir ki, 57 yaşlı S.Quliyev Bakıdan Oğuza toy şənliyində iştirak etmək üçün gedib.

Məlumatda bildirilir ki, o, toydan çıxıb hotelə dönüb, burada özünü pis hiss edib. Gecə saatlarında ona Təcili Tibbi Yardım çağırılaraq iynə də vurulub. Bir neçə saat sonra - bu gün səhər hotel əməkdaşları onu otağında ölmüş vəziyyətdə aşkar ediblər.

Qeyd edək ki, vəfat edən Sübhan Quliyevin 2020-ci ildən Azərbaycan Dövlət Turizm Agentliyi sədrinin müşaviri vəzifəsində işlədiyi bildirilir.