Xəbər verdiyimiz kimi yerli mətbuatda dünən axşam saatlarında Bərdənin Qasımbəyli kəndin sakinlərin intihar etməsi ilə bağlı xəbər yayılıb. Belə ki, kənd sakini, 1990-cı il təvəllüdlü İlyasov Tural Xəqani oğlu özünü bıçaqlayıb. Bərdə rayon Mərkəzi Xəstəxanasına çatdırılan gəncin həyatını xilas etmək mümkün olmayıb. Bundan əlavə eyni vaxtda həmin kənddə yaşayan 2000-ci il təvəllüdlü Əliyeva Bahar Əhliman qız isə özünü asıb. İntihar edən şəxslərin Qasımbəyli kəndində qapıbir qonşu olduğu bildirilir.
Bərdə rayon Mərkəzi Xəstəxanasından verilən məlumata görə Tural İlyasov xəstəxanaya yaralı şəkildə gətirilib: "29 yaşlı gənc dərhal əməliyyata qaldırılsa da onun həyatını xilas etmək mümükün olmayıb. Digər intihar edən gənc Bahar Əliyeva ilə xəstəxanaya gətirilən zaman isə ölmüşdü". (big)


Paylaş: