Azərbaycan Mərkəzi Bankının İdarə Heyətinin qərarı ilə 8 fiziki şəxsə və 1 hüquqi şəxsə sığorta agenti fəaliyyətinə verilən lisenziyalar ləğv edilib.

Rəsmi məlumatda xəbər verilir ki, lisenziyalar “Sığorta fəaliyyəti haqqında” Azərbaycan Respublikası Qanununun 107.1.1-ci maddəsinə müvafiq olaraq könüllü müraciətlər əsasında ləğv edilib.

Sığorta lisenziyası ləğv edilən şirkət Azərbaycanda avtomobil kirayəsi ilə məşğul olan “Otokoç Azərbaycan” MMC-dir (VÖEN – 1700234011).

Qeyd edək ki, Türkiyənin aparıcı şirkətlərindən “Koç Holdinq”ə bağlı olan “Otokoç Azərbaycan” MMC 15 aprel 1997-ci ildə dövlət qeydiyyatına alınıb. Nizamnamə kapitalı 4,5 milyon dollar olan MMC-nin qanuni təmsilisi Kerem Demirdir.