Rusiya Federasiyasının Dövlət Duması ikinci və üçüncü oxunuşda rəqəmsal rublun tətbiqi və onunla nağdsız ödənişlərin aparılması üçün zəruri olan qanun layihəsini təsdiqləyib.

Bu barədə parlamentin aşağı palatasının saytında məlumat verilib.

Dəyişikliklər "rəqəmsal rubl platforması", "rəqəmsal rubl platforması qaydaları", "rəqəmsal hesab (pul kisəsi)", "rəqəmsal rubl platformasının iştirakçısı" kimi anlayışları müəyyənləşdirir.

Platformanın operatoru Rusiya Bankı olacaq, onun işini təşkil edəcək və təmin edəcək, həmçinin rəqəmsal rublların təhlükəsizliyinə cavabdeh olacaq.