Hansı kişi öz ailəsinini götürüb "LİMAN" restoranına gələr?

Redaksiyamıza daxil olan informasiyaya görə, "LİMAN" restoranı barədə qısa bir araşdıma aparmalı olduq.

Araşdırma zamanı, rəsmi məlumata uyğun olaraq bəlli oldu ki... Azərbaycan Respublikasının Standartlaşdırma, Metrologiya və Patent üzrə Dövlət Komitəsi bəyan edir ki, Sumqayıt şəhəri, Sumqayıt Novxanı yolu, 3 km, dənizkənarı sahə ünvanında yerləşən....fiziki şəxs Kılıç Mehriban Cahan qızına məxsus “LİMAN” restoranında xeyli sayda qanun pozuntuları baş verib. Belə ki, restoranda araşdırma zamanı məlum olub ki, müəssisədə mal qonşuluğu prinsipinə riayət edilmir. Yəni ət, toyuq, balıq, qiymə, soğan, qatıq, kartof və kök eyni soyuducu anbarda saxlanılır. “LİMAN” restoranında aparılmış yoxlama zamanı məlum olub ki, ictimai iaşə müəssisəsində istehsal olunan “Azərbaycan” çörəyinin keyfiyyət və təhlükəsizlik göstəricisi olan uyğunluq sertifikatı mövcud deyil. O da məlum olub ki, “LİMAN” restoranında, ümumiyyətlə, laboratoriya analizləri yoxdur. Və müəssisənin laboratoriyası olmaması bir yana, hər hansi bir akkreditasiya olunmuş laboratoriya ilə müqavilə bağlanmayıb.

Təsəvvür edirsiniz, bütün reklamlarda özünü AİLƏVİ RESTORAN kimi qələmə verən "LİMAN" restoranı milli-mənəvi dəyərlərdən tam uzaq, mentalitetə yaraşmayan əməllərlə məşğuldur…. Yəni "LİMAN2 restoranı ilə AİLƏ sözü ümumiyyətlə, bir araya gələn məvhum deyildir… Çox detallara varmaq istəmirik. Amma görəsən hansı kişi öz ailəsinini götürüb "LİMAN" restoranına gələr …? Axı, hamı bilir ki, qonşu otaqlarda, kabinetlərdə nələr baş verir..?

Bütün bunları bir kənara qoyaq…. Keçək rəsmi məlumatlara… Yazının girişində rəsmi dövlət qurumu olan Azərbaycan Respublikasının Standartlaşdırma, Metrologiya və Patent üzrə Dövlət Komitəsinin "LİMAN"-la bağlı verdiyi məlumata aydınlıq gətirdik. İndi isə Azərbaycan Qida Təhlükəsizliyi Agentliyinin (AQTA) "LİMAN"-la bağlı məlumatına nəzər salaq.

Rəsmi dövlət qurumunun məlumatından bəlli olur ki, restoranda heç bir ictimai-iaşə qaydalarına əməl edilmir. Sanitar qovşaqları çirkab içərisində itib-batır. Restoranda mənşəyi bilinməyən, yəni həkim nəzarətindən keçərək, üzərində möhürü olmayan ət məhsullarından istifadə edilir. Qanunla axsam saat 11-ə qədər fəaliyyət göstərməli olan restoran, 24 saat fəaliyyətini davam etdirir. Bu qaydalar kimin tərəfindən tətbiq olunmasına baxmayaraq, Nazirlər Kabinetinin əmri ölkəmizdə keçərlidir. Azərbaycan Qida Təhlükəsizliyi Agentliyi öz işinin öhdəsindən gələ bilmədiyi üçün və ya gəlmək istəmədiyi üçün neqativ hallar hər addımda baş verir. AQTA-nın müfəttişləri tərəfindən "LİMAN" restoranında yoxlamaların səthi aparılması və ya aparılmaması onu deməyə əsas verir ki, "LİMAN" restoranının rəhbərliyi, AQTA-nın rəhbəri Qoşqar Təhməzli ilə dil tapıb.

P.S. Yaxın zamanlarda çəkiliş qrupumuzun "LİMAN" restoranından hazırladığı reportajı ictimaiyyətə təqdim edəcəyik.

Mənbə: Gundelik-baku.com