"Alıcılıq aşağıdır, gələn azdır. Kimlərsə fikirləşirlər ki, bir azdan dərəbəylik, sıxlıq olacaq, onlar ağıllı davranıb gəlib formalarını alırlar".

Bu sözləri Cebhe.info-ya açıqlamasında "Bakı Tikiş Evi" Açıq Səhmdar Cəmiyyətinin (BTE) satış şöbəsinin rəisi Etibar Əzimov deyib.

O bildirib ki, bəzi məktəblər formalarla bağlı hələ seçim etməyib:

"Amma gələnlərin sayı da çox deyil. Hamı son günlərə saxlayıb, avqustu gözləyir. Seçimi məktəb etməlidir, amma bəzi məktəblər etməyib". E.Əzimov bəzi rayonlarda da satışa start verildiyini deyib:

"Qax və Lənkərana bu həftənin sonuna qədər forma göndərəcəyik. İsmayıllıda artıq mağazamız var. Digər rayonlarla isə danışıqlarımız gedir. Cavab gözləyirik".