NASA-da çalışan azərbaycanlı gənc Atilla Əskərovun adı kosmosa göndəriləcək.

Bu barədə onun atası jurnalist Ramiz Əskər məlumat verib.

“NASA Roman Space Telescopun hazırlanmasında əməyi keçən şəxslərin adlarını Space craftın üstündə yazaraq kosmosa göndərəcək. Həmin şəxslərin arasında Atilla Əskərovun da adı var. Bu teleskop həyat əlamətləri axtarmaq üçün uzayın ənginliklərinə yol alacaq. Atilla teleskopun elektronikasını, integrasyon və testlərini işləyib hazırlamış mühəndislərdən biridir. İndiyədək heç bir azərbaycanlının adı dünyadan bu qədər uzağa getməyib. Bu gənc mənim oğlumdur. Bakıdakı 6 saylı litseyin, İstanbul Texniki Universitetinin və Virjiniya Texniki Universitetinin məzunu, NASA-nın azərbaycanlı yeganə əməkdaşıdır”, - deyə o bildirib.