“Twitter”in sahibi İlon Mask sosial platformanın loqosunda dəyişiklik edib.

Artıq sosial şəbəkənin rəsmi internet ünvanına daxil olduqda bunun şahidi oluruq.

Xatırladaq ki, İlon Mask ötən gün səhər “Twitter”də bu barədə yazı dərc edib.

“Tezliklə biz “Twitter” brendi ilə və tədricən bütün “quşlar”la vidalaşacağıq”, - deyə Mask bildirib.

O qeyd edib ki, yeni loqo bazar ertəsindən etibarən təqdim oluna bilər:

 “Əgər bu axşam kifayət qədər yaxşı bir “X” loqosu dərc olunarsa, biz onu sabah bütün dünyada yayımlayacağıq”.

Mask həmçinin yeni loqo layihəsini də sosial şəbəkə hesabında dərc edib.

Bu, qara fonda yanıb-sönən “X” işarəsidir.

Qeyd edək ki, Mask altı aydan çoxdur ki, aldığı “Twitter” sosial şəbəkəsində islahatlar aparmağa çalışır.