İctimai fəal Qiyas İbrahimov bu gün 32 günlük inzibati həbsdən sonra azadlığa buraxılıb.

Bu barədə onun yaxınları sosial şəbəkədə məlumat yayıb.

Xatırladaq ki, Qiyas İbrahimov iyunun 22-də polisə müqavimət ittihamıyla 30 günlük inzibati həbs olunub. İyunun 24-də internetdə qadağan olunmuş informasiyanın yayılması ittihamıyla onun haqqında daha bir inzibati həbs qərarı çıxarılıb. Ümumilikdə onun həbs müddəti 32 günə qədər artırılıb. İkinci həbs qərarında "yayılması qadağan olunan informasiya" kimi, onun "Facebook" hesabında yazdığı status göstərilib.