Rusiya hakimiyyəti "Rossiya-24" və "Moskva-24" telekanallarının, həmçinin RBK və bir sıra regional telekanalların əməkdaşlarına Moskvaya pilotsuz təyyarə hücumunu yayımlamağı qadağan edib.

Bu barədə "The Insider" mənbələrə istinadən məlumat yayıb.

Nəşrin həmsöhbətlərindən birinin dediyinə görə, saat 10:00 xəbərlərində hələ də pilotsuz təyyarələr barədə xəbərlər olduğu halda, saat 11 xəbərin buraxılışına 15 dəqiqə qalmış kanallara bu mövzunu işıqlandırmaq qadağan edilib.

"RBK Moskvaya hücumla bağlı təfərrüatlı süjet hazırladı, lakin onlar bunu efirə vermədilər", - başqa bir mənbə bildirib.

Mövzu Müdafiə Nazirliyi və Moskva meri Sergey Sobyaninin qısa şərhləri ilə işıqlandırılıb.

Xatırladaq ki, İyulun 24-nə keçən gecə Moskvaya iki pilotsuz təyyarə düşüb. Rusiya Federasiyasının Müdafiə Nazirliyi "Kiyev rejimini" terror aktına cəhddə ittiham edib. Kiyev isə bunu rəsmi olaraq təsdiqlənmir.