2019-cu ildə Ermənistanın Vayots Dzor vilayətində döyülmə nəticəsində komaya düşən Ermənistan Silahlı Qüvvələrinin polkovnik-leytenantı Ara Mxitaryan ölüb.

Bu məlumatı "Sputnik Ermənista" ölkənin Müdafiə Nazirliyindən təsdiqləyiblər.

Bildirilir ki, hadisə 2019-cu il sentyabrın 17-də axşam saatlarında baş verib. Zabit əməliyyat olunsa da, vəziyyəti ağır olaraq qalıb və komadan çıxmayıb.

Bu cinayət işi üzrə təqsirləndirilən şəxslər Vayots Dzorun keçmiş qubernatoru Trdat Sarkisyanın köməkçisi - Harutyun Qriqoryan və onun qardaşı Zaven Qriqoryandır.

Hadisənin şahidləri ifadələrində qeyd ediblər ki, Vayots Dzorun o vaxtkı qubernatoru Trdat Sarkisyan hadisə yerində olub. Lakin Sarkisyan hadisənin şahidi olduğunu qəti şəkildə təkzib edib və qalmaqal fonunda o, Vayots Dzor qubernatoru vəzifəsindən istefa verib.