Tomat pastası tərkibindəki likopen sayəsində kişilərin xərçəngə qarşı müdafiəsini yaxşılaşdırır.

"Medicina"  xəbər verir ki, həkim Tamara İlinskayanın sözlərinə görə, tomat pastasının bu faydası antioksidant xüsusiyyətlərinə malik olan karotenoid likopenin yüksək miqdarı ilə izah edilir.

"Konservləşdirilmiş pomidor və tomat pastası təzə pomidordan daha çox likopen ehtiva edir, çünki isitmə onun buraxılmasını artırır. O, həmçinin likopenin orqanizm tərəfindən udulmasını yaxşılaşdırır.

Likopen istehlakı bir çox elm adamı tərəfindən bədən üçün daha güclü anti-xərçəng müdafiəsi hesab edilir. Xüsusilə, likopenin kişi sağlamlığı və prostat xərçənginin qarşısının alınmasında faydalarını təsdiqləyən bir neçə araşdırmanın nəticələri məlumdur", - həkim bildirib.

İlinskaya əlavə edib ki, tomat pastası likopen sayəsində kişilərin xərçəngdən qorunmasını yaxşılaşdırır:

"2 il əvvəl Portsmut Universiteti bu maddənin döş və prostat şişlərinin inkişafını ləngitmək qabiliyyətini təsdiqləyib. Şişin böyüməsinə səbəb olan siqnal yollarına maneə törətdiyi aşkar edilmişdir.

Tərkibində likopen olan qidalar dəmirlə zəngin qidalarla birləşdirilməməlidir, çünki bu mühüm antioksidantın udulmasına mane olur".