Ağdam rayonunun inzibati mərkəzi olan Quzanlı qəsəbəsində XIX əsrə aid tarixi bina sökülür.Qəsəbə sakinlərinin Cebhe.info-ya verdiyi məlumata görə, hazırda ərazidə kran və buldozerlər işləyir. Qeyd edək ki, binanı 19-cu əsrdə mülkədar Firudin bəy tikdirib.

Qırmızı kərpicdən tikilmiş iki mərtəbəli bu bina Sovet dövründə müxtəlif məqsədlər üçün istifadə olunub. 1930-cu ildən 1961-ci ilə kimi binada “26 Bakı komissraı” adına kolxozun idarəsi yerləşib. 1961-1986-ci illərə kimi bina Quzanlı kənd xəstəxanası kimi fəaliyyət göstərib. Yerli sakinlərin dediyinə görə, binanın heç bir yerində çat yox idi. Dəfələrlə qəsəbədə yeraltı təkanlar olsa bina zərər çəkməmişdi.


Paylaş: