Lənkəran Ağır Cinayətlər Məhkəməsində quldurluqda təqsirləndirilən Alı Alıyevin (şərti) cinayət işi üzrə məhkəmə istintaqı yekunlaşıb.

Məlumata görə, hakim Cavid Səfərlinin sədrliyi ilə keçirilən prosesdə hökm oxunub.

Məhkəmənin hökmü ilə ona 12 il müddətinə azadlıqdan məhrumetmə cəzası təyin edilib.

İttihama görə, 1993-cü il təvəllüdlü Alı Alıyev 28 sentyabr 2021-ci il tarixinə keçən gecə sərxoş vəziyyətdə Lənkəran rayonu, Şirinsu kəndində yerləşən “OYES” yanacaqdoldurma məntəqəsinə, 7 oktyabr 2021-ci il tarixinə keçən gecə Lənkəran rayonu, Girdəni kəndində yerləşən “Girdəni Petrol” yanacaqdoldurma məntəqəsinə bıçaqla basqın edib. Nəticədə o, bir neçə şəxsə xəsarət yetirib, oradan quldurluq yolu ilə pul və telefon aparıb.