Dövlət Sərhəd Xidmətinin (DSX) keçirdiyi tender müsabiqələrinin qalibi bəlli olub.

709 min 786 AZN və 205 min 320 AZN dəyərindəki tender müsabiqələrinin qalibləri müvafiq olaraq "Microtech" və "Hermano" məhdud məsuliyyətli cəmiyyətləri olub.

"Microtech"  MMC DSX-ni radiorabitə və videomüşahidə vasitələri, "Hermano" MMC isə təchizat jileti ilə təmin edəcək.

Qeyd edək ki, tender müsabiqəsinin qalibi olan "Microtech"  MMC 16.03.2017-ci il tarixində dövlət qeydiyyatına alınıb. Hüquqi ünvanı AZ1025, Bakı şəhəri Xətai rayonu, Xəqani Rüstəmov, ev 6-da yerləşən MMC-nin nizamnamə kapitalı 30 manat təşkil edir. MMC-nin qanuni təmsilçisi Həbibzadə Elçin Eldar oğludur.

Digər qalib "Hermano" MMC isə 05.08.2019 -cu il tarixində dövlət qeydiyyatına alınıb. Nizamnamə kapitalı 210 min AZN təşkil edən şirkətin hüquqi ünvanı AZ1029, Baki Şəhəri Nərimanov rayonu, Xarici Dairəvi, ev məh.2038-də yerləşir. MMC-nin qanuni təmsilçisi Muhammed Demirdir.