Ukraynanın Odessa şəhərinin keçmiş meri və onun dörd ortağı hava limanını və onun fəaliyyətindən əldə edilən gəlirləri mənimsəməkdə ittiham olunurlar.

Bu barədə Ukraynanın Korrupsiyaya Qarşı Mübarizə üzrə İxtisaslaşdırılmış Prokurorluğu teleqramda məlumat yayıb.

İstintaqın məlumatına görə, şəhərin keçmiş rəhbəri Odessa Beynəlxalq Aeroportu müəssisəsini, həmçinin onun fəaliyyətindən əldə etdiyi 2,5 milyard qriven (67,7 milyon dollar) məbləğində gəliri ələ keçirib.

Məlumatda bildirilir ki, 2011-ci ildə hava limanı ərazi icmasının mülkiyyətindən şəhərin və özəl investorların mülkiyyətinə keçib.