Müdafiə Nazirliyi Qarabağda lokal antiterror tədbirlərinin davam etməsi ilə bağlı növbəti brifinq keçirib.

Brifinqdə nazirliyin Mətbuat xidmətinin rəisi polkovnik Anar Eyvazov çıxış edib.

O bildirib ki, keçirilən tədbirlərlə Ermənistan Silahlı Qüvvələri birləşmələrinin 60-dan çox döyüş mövqeyi Silahlı Qüvvələrimizin nəzarətinə keçib:

“Eyni zamanda Ermənistan Silahlı Qüvvələri birləşmələrinə məxsus 20-ədək hərbi təyinatlı avtomobil, 40-dan çox artilleriya qurğusu, 30-dan çox 120 və 82 mm-lik minaatan, 2 ədəd zenith-raket qurğusu və digər hərbi təyinatlı vasitələri zərərsizləşdirilib”.