“Qırmızı Beretlilər” xüsusi təyinatlı polis qüvvələri səhər tezdən Ermənistan müxalifətinin liderlərindən biri Andranik Tevanyanı siyasətçi və həmfikirlərinin İrəvanın mərkəzində küçəni bağlamasından sonra saxlayıb.

TASS xəbər verir ki, onun həbsini əks etdirən video sosial şəbəkələrdə tərəfdarları tərəfindən yayılıb.

Səhər saatlarından İrəvanda küçələr bağlanıb, polis artıq müxalifət fəallarını həbs etməyə başlayıb. Nazirlər Kabinetinin binası sıx polis kordonu ilə əhatə olunub və orada baş nazir Nikol Paşinyanın sədrliyi ilə hökumətin iclası gözlənilir. Müxalifət binanın qarşısını kəsmək və Nazirlər Kabinetinin iclas keçirməsinə mane olmaq niyyətindədir.