Saat 18:00-a olan məlumata görə, Qarabağdan Ermənistana 53 min 629 nəfər keçib.

Bu barədə Ermənistan Baş nazirinin mətbuat katibi Nazeli Bağdasaryan keçirdiyi mətbuat konfransında məlumat verib.

O bildirib ki, həmçinin Qarabağdan Ermənistana 10 min 985 nəqliyyat vasitəsi keçirilib.

***16:15

Qarabağdan Ermənistana keçənlərin sayı 50 mini ötüb.

Bu barədə Ermənistan hökuməti məlumat yayıb.

“Saat 15:00-a olan məlumata görə, 50 mindən çox nəfər Qarabağdan Ermənistana gəlib”, - məlumatda deyilir.

***15:32

Bu günə olan son məlumata görə, Qarabağdan Ermənistana gedənlərin sayı 47 mini keçib.

TASS xəbər verir ki, bu barədə Ermənistan baş nazirinin mətbuat katibi Nazeli Baqdasaryan bildirib.

“Saat 12:00-a olan məlumata görə, Həkəri körpüsündən Ermənistana 47 115 nəfər keçib”, - o qeyd edib.

Qeyd edək ki, bundan əvvəl o, Bakı vaxtı ilə saat 08:00-a olan məlumata görə, sərhədi keçən Qarabağ sakinlərinin sayının 42,5 min nəfər təşkil etdiyini bildirmişdi.

Baqdasaryan həmçinin əlavə edib ki, gün ərzində Xankəndidə yanacaq anbarının partlaması nəticəsində zərər çəkmiş 80-dən çox adamın Ermənistanda tibb mərkəzlərinə göndərilməsi planlaşdırılır.