Qarabağ iqtisadi rayonunda Bərpa Tikinti və İdarəetmə Xidmətinin keçirdiyi tender müsabiqəsinin qalibi “6-cı Mərtəbə” Müstəqil Şirkəti olub.

Xidmət Ağdam rayonu, Sarıcalı kənd yaşayış məntəqəsində 2, 3, 4, 5 otaqlı fərdi yaşayış evlərinin tikintisi işlərinin satın alınmasına görə “6-cı Mərtəbə” Müstəqil Şirkətinə 33 milyon 714 min 449 manat 37 qəpik ödəyəcək.

Nizamnamə kapitalı 20 manat olan “6-cı Mərtəbə” Müstəqil Şirkətinin hüquqi ünvanı Bakı şəhəri, Nəsimi rayonu, Kövkəb xanım Səfərəliyeva, ev 64 ünvanında yerləşir. Şirkətin qanuni təmsilçisi Nəbiyev Yunis Nəbi oğludur.