“Qanunsuz erməni silahlı birləşmələrindən 66,1 milyona yaxın döyüş sursatı götürülüb”.

Bu barədə Rusiya MN məlumat yayıb.

Rusiya Müdafiə Nazirliyinin məlumatında bildirilir ki, oktyabrın 7-nə Qarabağdakı qanunsuz erməni silahlı birləşmələrinin anbarlarından 110 ədəddən çox səhra artilleriya silahı, RYAS və minaatan, 124 hava hücumundan müdafiə sistemi, o cümlədən 66,1 milyona yaxın döyüş sursatı götürülüb.

Qeyd olunur ki, silah, hərbi texnika və sursatların saxlandığı yerlərin mühafizəsi Rusiya-Azərbaycan birgə mühafizə postları tərəfindən təşkil edilir.