Pomidorların bir çox faydalı xüsusiyyətləri var, lakin onları təzə və konservləşdirilmiş halda yemək mədə-bağırsaq və böyrək xəstəlikləri üçün zərərlidir.

Xarici KİV xəbər verir ki, bu barədə dietoloq Yelena Solomatina danışıb.

Onun sözlərinə görə, pomidorun tərkibində müxtəlif turşuların olması həzm sistemi xəstəliklərinin, maddələr mübadiləsinin pozulmasının, xüsusən podaqra xəstəliyinin inkişaf riski daşıyır.

Bundan əlavə, dietoloq pomidorun tərkibindəki oksalat turşusunun yüksək olması böyrək xəstəliklərinə, sidik turşusunun yüksək səviyyəsinə, podaqra və buna bağlı oynaq problemləri üçün zərərli olduğunu vurğulayıb.

Konservləşdirilmiş pomidorda çox miqdarda duz və sirkə olduğu üçün mədə-bağırsaq traktının xəstəlikləri, eləcə də ürək və qan damarları ilə bağlı problemlər yarada bilir.

Duz maye saxlayır.

Ürək-damar xəstəlikləri, hipertoniya, ödemdən əziyyət çəkən insanlara, əlbəttə ki, pomidorlardan qaçınmaq və ya çox az miqdarda yemək daha yaxşıdır. Bundan əlavə, yaşıl pomidorları və yetişməmiş meyvələrdən hazırlanmış yeməkləri yeməməlisiniz - onların tərkibində zəhərli üzvi birləşmə solanin var.