Qətər şeyxi Casim bin Həməd Ali-Sani İngiltərənin "Mançester Yunayted" futbol klubunu almaq təklifindən imtina edir.

Associated Press istinadla xəbər verir ki, "Mançester Yunayted"in səhmləri klubun satışının ləğv ediləcəyi ilə bağlı şayiələr ucbatından 20% ucuzlaşıb

Şeyx komandanı 2005-ci ildən sahibi olan Qleyzerlər ailəsindən almağa əsas namizədlərdən biri hesab olunurdu. “İneos” kimya şirkətinin rəhbəri Cim Ratkliff və finlandiyalı sahibkar Tomas Zilliakus da klubu almaq istəyir.

Mənbələrin bildirdiyinə görə, Ali-Sani “Mançester Yunayted” üçün bazar dəyərindən iki dəfə çox, yəni 3,2 milyard dollar ödəməyə hazır idi.

Ratkliff klubun 25%-i üçün 1,3 milyard funt-sterlinq (1,58 milyard dollar) ödəyə bilər.