İki isveçli azarkeşi güllələyən terrorçu polis tərəfindən saxlanılarkən döş qəfəsindən aldığı güllə yarasından ölüb.

“DH Les Sports” xəbər verir ki, terrorçu təcili yardım maşınında reanimasiyaya aparılarkən yolda dünyasını dəyişib.

Buna qədər cinayətkarın şəxsiyyəti müəyyən edilib. Onun Tunis əsilli Lassoued Abdeslam olduğu bəlli olub. Bildirilib ki, o, sığınacaq axtaran şəxs olub və bir neçə silaha sahib idi.

Xatırladaq ki, dünən, oktyabrın 16-da Brüsseldə (Belçika) Avropa çempionatının seçmə turnirinin Belçika – İsveç matçı öncəsi iki isveçli azarkeş güllələnib. Buna görə də oyunun birinci hissəsindən sonra İsveç futbolçuları meydançaya çıxmaqdan imtina edib və oyun yarımçıq dayandırılıb. Birinci hissədən sonra oyun dayandırılıb və davam etdirilməyib.